Mal 4 | NdeIBE | STEP | “Ngeqiniso luyeza usuku; luzavutha njengesithando somlilo. Zonke iziqholo njalo zonke izixhwali zizakuba ngamabibi, njalo lolosuku oluzayo luzabathungela ngomlilo,” kutsho uJehova uSomandla. “Kakuyikusala mpande loba gatsha kubo.

Malachi 4

Usuku LukaJehova

1 “Ngeqiniso luyeza usuku; luzavutha njengesithando somlilo. Zonke iziqholo njalo zonke izixhwali zizakuba ngamabibi, njalo lolosuku oluzayo luzabathungela ngomlilo,” kutsho uJehova uSomandla. “Kakuyikusala mpande loba gatsha kubo. 2 Kodwa lina elilesabayo ibizo lami, ilanga lokulunga lizaphuma lilokusiliswa emaphikweni alo. Njalo lizaphuma liqolotshe njengamathole evulelwe esilugwini sawo. 3 Lapho-ke lizabanyathezela phansi ababi; bazakuba ngumlotha ngaphansi kwezinyawo zenu ngosuku lolo engizazenza ngalo lezizinto,” kutsho uJehova uSomandla.

4 “Khumbulani umthetho wenceku yami uMosi, izimemezelo kanye lemithetho engamupha yona eHorebi ingeyabo bonke aba-Israyeli.

5 “Khangelani, ngizalithumela umphrofethi u-Elija lungakafiki lolosuku olukhulu olwesabekayo lukaJehova. 6 Uzaguqulela izinhliziyo zaboyise ebantwaneni babo, lezinhliziyo zabantwana ziguqukele kuboyise; kungenjalo ngizakuza ngilitshaye ilizwe ngesiqalekiso.”